CHAPTER 91

HINDI alam ni Yesha kung ano ba ang dapat niyang sabihin sa kaniyang ina. Baka isipin nito na ganoon na siya karupok para lang bumigay kaagad sa mga paliwanag ni Shawn.

Sa totoo lang, hindi pa naman talaga niya kayang magtiwala sa lalaki, pero ano ang gagawin niya? Ipagtabuyan na lang ito? Kitang-kita niya kung gaano kapursige si Shawn na bigyan siya niya ito ng ikalawang pagkakataon.

Pero hindi ibig sabihin no'n napatawad na niya ito nang tuluyan. Kailangan pa rin niyang ingatan ang kaniyang sarili. Hindi siya puwedeng magpadalos-dalos sa desisyon niya sa buhay. Hindi siya puwedeng malugmok na naman. Nakaahon na s'ya kaya hindi siya papayag na bumalik na naman siya sa dati. HIndi siya papayag na umiyak na naman siya mag-isa.