Chapter 55: At last

“Oh, sh*t!” daing ni John nang maramdaman ang tuhod na tumama sa alaga niya. Kasunod niyon ang pagbagsak ng katawan sa kanya kaya natigilan siya. Hindi naman dahil sa bigat nito kung hindi dahil sa pamilyar na amoy nito.

“Kana…”

Saglit na natigilan ang nasa ibabaw niya. Inangat nito ang sarili pagkuwa’y hinaplos ang pisngi niya.

Lampshade lang ang tumatanglaw sa loob ng room na iyon. Pero sa paningin ni John sa babaeng nasa ibabaw niya ay klaro. Kaya ang pamilyar na kabog ng dibdib niya ay ganoon na lang kabilis.

“J-John…”

“K-Kana,”

Akmang ilalapat niya ang kamay sa likod ni Kana nang marinig ang hikbi nito. Nabigla siya sa ginawa nito. Napasubsob din ito sa dibdib niya.

Wala itong tigil kaya nag-alala siya. Pero walang lumalabas sa labi niya, bagkos, yakap ang binigay niya dito. Mahigpit na yakap.

Lalong lumakas lang ang hikbi ni Kana dahil sa higpit nang yakap ng lalaking ito. Alam ni Kana na panaginip lang ito. Alam ng Diyos kung gaano niya nami-miss si John. Pero wala na silang kum