Chapter 32

Nagulat si Sandoval sa nakita. Hindi niya akalain na ang isang kilalang basura ng buong bayan ay ganito kalakas. Hindi niya rin talaga inakala na ang taong tinitingnan niya ngayon na nakikipaglaban sa mga tauhan niya ay malakas at tinawag na master ni Apollo na siyang takot din sa kanya.

Umatras siya at napalunok nang makitang napatumba lahat ni Esteban ang mga tauhan niya, tumingin ang binata sa kanya at hindi alam kung ano ang gagawin. "P-paanong..."

"Sandoval, ilabas mo na si Ruben kung ayaw mong matulad sa mga tauhan mo..." Lumingon siya kay Apollo na ngayo'y walang ginawa kundi tumingin lang din kay Esteban na nakikipaglaban.

Kahit si Apollo ay nagulat sa pinakita ni Esteban sa kanila, hindi niya rin inakala na makakaya ni Esteban makipaglaban sa maraming malalaki ang katawan na hindi man lang nasusugatan ang katawan at mukha nito. 

"Kalokohan! Sino ka?" sigaw ni Sandoval.

"Ilabas mo na si Ruben, isang pagkakataon para sa'yo, Sandoval. Hi