Kabanata 40

“My nerd, good morning" bungad ni Justin pagbukas ko ng pinto. Ngiting-ngiti pa siya na parang bang ang saya-saya ng araw niya habang ako, gulat at nanlaki ang mga mata.

Awtomatikong bumagsak nga rin ang balikat ko. Akala ko naman kasi, sa school niya lang sisirain ang araw ko. Pero hindi e, hindi pa nga ako tuluyang nakakalabas ng apartment ko, sira na naman ang araw ko.

Para tuloy akong nawalan ng ganang pumasok dahil kaharap ko na naman ang tao na numero unong panira ng araw ko.

“Mag-iinarte ka na naman ba, my nerd? Hindi pa rin ba tumatak sa utak mo ang mga sinabi ko last night?" tanong niya habang nasa tapat na ng hagdan, hindi na rin niya ako nilubayan ng tingin. “Want me to say it again, my nerd?"

Gusto kong sumagot pero ayaw ko naman na mas lalong masira ang araw ko kaya bumuga na lang ako ng hangin, at sandaling pumikit saka mabagal na naglakad pababa ng hagdan at hindi na siya muling pinansin.

“Balik ka na naman ba sa dating nerd na kinaiinisan ko? Ayaw mo na naman ba ako