KABANATA 56

“Valentine tama na! Kung nawawala si Devina hindi maganda na pati tayo ay mag-away-away! Walang kasalanan kahit na sino saatin dahil biglaan ang nangyari. Alam na natin na hindi ligtas ang paligid kaya ang mahalaga ngayon ay mahanap natin agad siya!”

Mukang natauhan naman ni Valentine dahil sa sinabi ko. Napasabunot pa siya sa kaniyang buhok habang ako ay agad na inalalayan si Jeydon.

“Ayos ka lang?” alala kong tanong na ikinatango naman niya saakin.

“Master Jeydon! Master Jeydon!” sabay-sabay kaming napatingin sa pinto ng pumasok ang isang lalaki doon.

“May natagpuan na isang sunog na katawan! At nakita namin itong gamit na ito,”

Dali-daling kinuha ni Jeydon ang nasa isang plastic na lalagyan at napatakip naman ako ng bibig dahil doon.

“J-jeydon—” napatigil ako sa pagsasalita ng humarap siya saakin at umiling.

“Hindi! Hindi si Devina ‘yun Sheila!”

“Tama si Jeydon. Hindi ang asawa ko ‘yan! Dalhin mo kami sa katawan,” napatingin ‘din ako kay Valentine ng sabihin niya iyo