KABANATA 77

Huminga siya ng malalim at bumaba na sa kaniyang kotse. Nakita niya ang hindi kalakihang bahay kung saan susunduin niya ang taong alam niyang makakatulong kay Devina. Ang huling bagay na alam niyang maitutulong niya sa pamangkin.

“Jeydon? Ang tagal mong hindi dumalaw,” salubong na sabi sa kaniya ng iniwan niyang tanging katulong na naroroon upang samahan ang taong kailangan niya.

“Nasaan po siya?” agad na sabi niya at hindi pinansin ang sinabi ng may katandaang babae.

Ngumiti ito sa kaniya at itinuro ang kwarto nito. “Naroon siya Jeydon, may inaasikaso ata sa laptop,” laptop? Natanong niya sa kaniyang sarili ngunit tumango nalang siya dito at naglakad papunta doon.

Wala siyang naaalala na mayroon siyang iniwan na laptop para sa matanda. Pagbukas niya ng pintuan ay nakita niya itong nakaupo habang may suot na salamin sa mata at nakaharap sa laptop. Tinignan niya ng mabuti ang laptop at nanlaki ang mata niya ng makilala niya iyon. Ang unang laptop na gamit niya ngunit nasira na k