KABANATA 85

MATAPOS mabalitaan ang malungkot na balitang iyon sa doctor ay sumunod sila sa kwarto nito at doon ay nakita nila si Valentine na natutulog. Rinig na rinig ang tunog ng makina na nasa kaniyang tabi, kahit na wala ng gaanong nakaturok dito na kahit na ano ay hindi maiwasan ni Devina na maiyak nanaman.

Walang namutawing pag-uusap sa mga ito dahil doon hanggang sa lumipas na ang halos dalawang oras. Nag pasya ang mga ito na maghapunan na dahil inabot na sila ng gabi doon.

“Sigurado ka bang hindi ka sasama apo?” Alalang tanong ng lola niya sa kaniya na ikinatango lamang ni Devina.

Napabuntong hininga ito at napailing na humarap sa kanila. Lahat sila ay nag-aalala para sa dalaga ngunit alam ‘din nila na tanging ang lola lang nito ang hindi. Walang kamalay-malay ang matanda na alam na ng mga tao doon ang kaniyang tunay na kulay.

“Dadalhan nalang kita Devina,” sabi ni Jeydon dito na ikinatango lang muli ng dalaga.

Nang makaalis ang mga ito ay hinawakan ni Devina ang kamay ni Valenti