KABANATA 88.1

“ANONG gagawin ko?”

Naguguluhan na tanong ni Kristin sa kaniyang sarili. Napatayo siya mula sa kaniyang kinauupuan at kinagat ang kaniyang kuko sa hinlalaki niya at nagsimulang magpabalik-balik mula sa kaniyang kinalalagyan. Simula ng makausap niya si Devina ay nagpasiya siyang kumilos mag-isa. Kung ayaw maniwala ni Devina ay siya nalang ang gagawa ng paraan para pigilan ang lola nito.

Dahil sa pagmamasid niya mula sa malayo ay marami siyang nalaman. Hindi man niya inabutan ang nangyari sa bahay ni Devina ay nalaman niya na na-aksidente si Valentine at nasa ospital ito. Hindi naman siya pwedeng pumasok sa loob at baka may makakilala pa sa kaniya kaya matyaga siyang naghintay sa paglabas ng matanda.

Nang makita niya itong lumabas kasama ang apo nitong si Jeydon ay hindi siya nagdalawang isip na sundan sila. Muli ay naghintay siya ng napakatagal sa labas at halos doon na nga siya kumakain, aalis lang sandali para bumili ng makakakain tapos tatamabay na sa may malapit kila Devina. Mab