KABANATA 91.2

(FLASHBACK OF THOMAS PAST)

NAPADILAT ako nang maramdaman ko ang kakaibang bagay na nakadikit sa aking katawan. Pakiramdam ko ay wala akong lakas, namamanhid ‘din ang aking kamay at hindi ko maigalaw. Ang aking paa naman ay maayos kong nagagalaw ngunit hindi sapat para ako ay makatayo.

Nakita ko ang Liwanag sa aking itaas, ang mga ilaw na iyon ay kakaiba. Bigla nalamang akong nakaramdam ng takot ng maalala ang nangyari. Kusang tumulo ang luha ko at wala akong ibang magawa kundi ang umiyak. Ilang beses nang nangyayari saakin ang ganito pero ngayon kakaiba na dahil naaalala ko na ang lahat, naaalala ko na kung sino ako.

Ako nga pala si Thomas Cullen, ilang buwan na ako dito sa lugar na ito at noong unang magising ako wala akong maalala. Pero ngayon na nakaka-alala na ako sana pala hindi nalang bumalik ang ala-ala ko. Sa totoo lang hindi talaga ako isang Cullen pero dahil kasal si mommy at si daddy Saint ay naging opisyal na Cullen na ‘din ako. Anak ako ni mommy sa ibang lalaki na ini