Chapter 36

Chapter 36

Mabilis na nagtagis ang mga bagang ni Yvonne nang sa silya malapit sa kaniya ay magtaas ng numero si Quirre Apostol.

Matinis ang boses nitong nagsalita. “One point one million!” Tumingin pa ito ng nakakaloko kay Yvonne, tila ba ay inaasar siya at inuubos ang pasensya niya.

Napahawak sa kaniyang batok si Yvonne, mas lalong nadagdagan ang inis niya at mas lalo siyang naging sabik na manalo sa nangyayaring bidding.

“One point five million!” ani Yvonne.

Si Roi na ang nagtaas ng numero niya sapagkat kung si Yvonne ang siyang hahawak noon ay baka masira na iyon dahil sa galit na nararamdaman niya sa kaniyang boss.

“One point six million!” humahagikhik na saad ni Quirre Apostol.

Nakita ni Roi ang siyang pagsakilop ng mga braso at pag-dekwatro ng kaniyang amo, senyales iyon na kaunti na lang ay sasabog na ito sa inis.

Mabilis na nahalata ni Roi na iniinis lamang ni Quirre Apostol si Yvonne sapagkat sinasadya nitong isa lamang ang idagdag sa bawat bilang na sinasabi ng kaniyan