Chapter 51

Chapter 51

“A-Aray!”

Pagrereklamo ni Liam nang pabalya siyang bitawan ni Yvonne at siya ay tumama sa pasong nakatayo sa veranda na siya namang nabasag nang madaganan niya.

“Wala akong panahon sa ’yo. Umalis ka na kung p’wede lang, bago ko baliin sa dalawa iyang leeg mo.”

Marahas na isinara ni Yvonne ang pintuan ng veranda. Mabilis namang bumangon si Liam at saka humabol ngunit naisara na ng babae ang pinto ng tuluyan.

“I just want to talk! Hey! May importante akong sasabihin sa ’yo!” Hiyaw ni Liam habang kinakatok ang pintuan ng veranda.

Inis na napakamot sa kaniyang ulo si Liam nang hindi manlang siya tapunan ni Yvonne ng tingin at sa halip ay pinagsarhan siya ng kurtina.

“It’s about your sister, Luna!”

Nagpantig ang tainga ni Yvonne. Sandali siyang natigilan ngunit kaagad ding nakabawi.

“Wala akong pakialam sa babaeng ’yon,” bulong ni Yvonne sa sarili.

Naglakad na siya patungo sa pinto at akmang bubuksan na iyon para makalabas. Ngunit bago pa man niya iyon mabuksan ay isang