Chapter 52

Chapter 52

Madadama ang tensyon sa buong lugar. Hindi malaman ni Mico kung sino ang kaniyang lalapitan sa dalawa. Kilala niya si Yvonne at alam niya ang ugali nito. Nakangiti man ito pero alam niyang may galit sa likod noon.

Hindi niya alam ang dahilan kaya naman sa huli ay nilapitan niya ang dalawa at saka inilayo si Luna sa kapatid.

“Magsisimula na, nariyan na ang Pari,” pamamagitan niya sa dalawa.

Kaniyang hinawakan ang braso ni Yvonne at sa iginaya ito sa bakanteng upuan katabi ni Lorraine.

“What’s gotten into you?” nagaalalang tanong ni Mico sa kapatid.

Naging malalim ang pagbuntong hininga ni Yvonne, senyales na naiinis ito sa puntong iyon. “I’ll tell you later.”

Tango na lamang ang isinagot ni Mico.

Lumipas ang ilang sandali at hindi rin nagtagal ay natapos ang pag-seseremonyas ng pari. Kani-kaniya ang ginawang paghuhulog ng bulaklak sa kabaong na hindi kalaunan ay tinabunan na rin ng lupa.

“Kagigising mo lang, nakakunot na kaagad iyang noo mo,” pagbasag ni Mico sa tensy