Chapter 42

"Ikaw ang mang-aagaw!" mabilis kong tugon na ikinabangis lalo ng mukha niya. Bruha!

Tinawanan niya ako. "Masaya na kami, Tanya! Pero simula nang dumating ka, nagkandaletse-letse na naman ang lahat! Mang-aagaw ka!"

"Dayana, tumigil ka na! Nag-usap na tayo. Kung ayaw mong makulong, aalis ka ng pamamahay ko nang maayos!"

Napatingin ako kay Dylan sa mga sinabi niya. Makulong? Sa salang ano? May hindi ba ako nalalaman?

"I refuse to obey! Wala akong ginagawang kasalanan para makulong! Kung mayroon man dapat na mabulok sa kulungan dito, kayo iyon! Ipapakulong ko kayo sa salang adultery!"

Napailing ako habang si Dylan naman ay napangiti.

"Wala kang makakaso sa amin. Walang bisa ang kasal natin."

Natigilan si Dayana sa narinig. Tatanga-tanga kasi. Nakalimutan na yata niyang peke ang paring nagkasal sa kanila ni Dylan.

"Hindi ako aalis, Dylan! Sabihin na nating walang bisa ang kasal natin, pero sa mata ng Diyos, mag-asawa pa rin tayo! May karapatan ako sa iyo!"

"Kung sa mata na rin lang