Eros & Dianne 19

Dianne's POV

MARIIN kong kinagat ang labi ko upang mapigilan ang sarili na lumuha. Nakakapagod na rin ang panay iyak na lang. Wala na akong ibang ginawa kundi umiyak dahil sa ibang tao.

Binilisan ko ang paghuhugas ng mga plato dahil ayaw kong magpang-abot kami ni Mariedel dito. Siguradong kukutyain at pagtatawanan lang ako ng babaeng iyon.

Sino bang hindi tatawa sa akin? Kasal nga kami ni Eros, pero siya at si Tita Elena, ayaw naman sa akin. Isinusuka nila ako.

"Sir Eros, nandito pala kayo."

Sandali akong natigilan sa paghuhugas ng plato nang marinig iyon. Napatingin ako sa pintuan ng kusina at natigilan nang makita si Eros, nakatingin sa akin.

"Bakit nandito ka na naman?" tanong niya na parang nauubusan ng pasensya.

"Iyan din ang tanong ko sa kaniya." Lumapit si Tita Elena rito kaya agad kong binalik ang atensyon ko sa ginagawa. "Malapit nang matapos ang niluluto, hijo. Nasaan na si Mariedel?"

Parang pinilipit ang puso ko sa narinig. Nakakatawa na mas gusto pa ng mother-in-law ko ang