Eros & Dianne 2

Dianne's POV

"Hindi mo na siguro uulitin ang ginawa mo?"

Mula sa egg and bacon, nag-angat ako ng paningin sa seryosong mukha ni Eros. Nagkakape siya habang may nakaipit na sigarilyo sa dalawang daliri.

"Hindi na," matipid kong tugon.

Pinagpatuloy ko ang pagkain habang abalang nakatutok ang mga mata ni Eros sa laptop niya.

"Sa susunod na pagbubuhatan mo ng kamay si Susan, hindi na ako magiging mabait sa iyo."

"Kailan ka ba naging mabait sa akin?"

Pareho kaming nag-angat ng mukha at nagkatinginan sa nasabi ko. Hindi ko rin inaasahan na lalabas iyon sa bibig ko.

"Sumasagot ka?"

I swallowed when I felt a lump in my throat. "Bata ba ako para hindi puwedeng sumagot?"

"Dianne!" Malakas niyang hinampas ang kamay sa ibabaw ng mesa kaya mabilis akong tumingin ulit sa plato ko.

Binalot uli kami ng katahimikan pagkatapos no'n. Nawalan na ako ng ganang kumain kaya pinaglalaruan ko na lang ang pagkain sa plato ko.

"Mag-sorry ka kay Susan."

"What?" Namimilog ang mga matang tumingin ako sa kaniya.

"