Eros & Dianne 77

Dianne's POV

MARIIN akong pumikit nang makarinig ng sunod-sunod na putok ng baril. Buong akala ko ay ito na ang katapusan namin ni Eros, pero natigilan ako nang sa pagmulat ko ng mga mata, maayos at walang nangyari sa amin.

Umawang ang mga labi ko nang makita ang maraming tama ng bala sa katawan ni Matthias. Bumulwak ang dugo mula sa bibig nito bago ito napaluhod sa lupa.

Nangilid ang mga luha sa pisngi ko nang makita ang taong bumaril dito. Si Linda.

Matthias tried to turned around to see the person who shot him, pero hindi pa siya nakakalingon ay muli siyang binaril ni Linda. Sa pagkakataong ito, sa ulo siya mismo tinamaan.

Nang bumagsak si Matthias sa lupa ay bumagsak din si Linda sa mga tuhod nito. Umiiyak ito at humahagulhol. Napatakip ako ng bibig nang maisip na baka nakita na nito ang nangyari sa bahay—sa kaniyang ina.

"Linda."

Bumaling ako kay Eros pero malakas akong napasinghap nang bumagsak ito at napaluhod sa lupa.

"Eros!" Nanginginig ang mga kamay niya nang mahawakan ko it