Eros & Dianne 76

Eros' POV

INALIS ko ang bandage na nakapulupot sa ulo ko at tinapon ito sa lupa. Maliit lang naman ang natamo kong sugat mula sa aksidente kaya nagdesisyon akong sumama sa paghahanap kay Dianne.

Ngayon ay nandito kami sa isla na pag-aari ni Matthias. Ang mismong isla kung saan ginanap ang welcome party para dito.

"Kumusta?" I asked Axel as he approached me. Kagagaling lang niya sa loob ng malaking bahay.

"Tama ka nga. Wala na rito sina Matthias at Dianne, pero may natagpuan kaming katawan sa loob."

"Katawan?"

"Base sa natamo nitong bala, mukhang wala pang isang oras mula nang mamatay ito. Matandang babae. Sa palagay ko'y nasa early 60's ang edad."

"Si Aling Lusing."

"Kilala mo?"

Tumango lang ako. Naiiling ako sa sinapit ng matandang caretaker. Mukhang tinulungan nito si Dianne kaya pinatay ito ni Matthias.

Inutusan ni Joseph ang mga tao nito na libutin ang paligid. Habang pinanonood kong kumalat ang mga tao nito ay mas lumalip sa akin si Axel.

"Mukhang hindi na maganda ang lagay mo. B