Eros & Dianne 75

Dianne's POV

NAGISING akong nakahandusay sa malamig na sahig. Pagmulat ko ng mga mata, si Matthias ang unang bumungad sa akin.

Pabalikwas akong bumangon pero mabilis ding napapikit nang maramdaman ang pananakit sa likod ng ulo ko. Nasapo ko ito at nakita ang kaunting dugo sa palad ko.

"You're awake," malalim ang boses na sabi niya.

Nakaupo siya sa rocking chair, may sigarilyo sa pagitan ng mga labi at may hawak na baso ng alak.

"Nasaan ako?" Iginala ko ang paningin ko sa paligid. Saka ko lang napansin na nasa malaking living room ako ng vacation house nito sa isla niya.

"Nasaan ang mga kayamanan ko?"

Natuon uli kay Matthias ang paningin ko dahil sa tanong niyang iyon.

"Gusto mong mabawi ang kayamanan mo? Nasa impyerno, doon mo kunin!"

Tumayo siya bigla at mabilis akong nilapitan. Lumipad ang palad niya sa pisngi ko. Napaluha ako sa sakit ng pagkakasampal niya sa akin. Pakiramdam ko, namamanhid na ang mukha ko sa paulit-ulit na sampal na nakukuha ko.

Hinawakan niya ako sa baba at pilit