Kabanata 25

Pagkatapos naming kumain, nagpalipas muna kami ng ilang minuto bago nagpunta sa ikaapat na isla. Tirik na tirik na ang araw ngunit parang wala namang pake ang mga taong kasama ko kung lalapat sa kanilang mga balat ang nakakapasong sinag. Mabuti nalang rin at ang bangkang sinasakyan namin ay may bubong kaya hindi masyadong mainit pag naglalakbay sa dagat. 

Tatlong bangka ang umiingay ngayon. Nauuna ang bangka ng mga babae. Nakasunod kami at nahuhuli ang bangka ng isa pang grupo. 

Huminto rin sila kanina para kumain sa mga bitbit nilang pagkain. Hindi ko alam kung nakikisabay ba sila sa amin o sadyang nagugutom na talaga sila. 

Nakita ko ang sigurong pang apat na islang pupuntahan namin at namangha ako sa ganda nito. May isang bahay na kulay puti lahat... no it's not just bahay. It's a mansion. May mga puno na parang pinag-isipan ng mabuti ang pagkalagay sa tanim at tatlong puting cottage na may puting kurtina. Sakto para sa amin na tatlong gr