Kabanata 28

Pang-apat na araw na namin ngayon dito sa Siargao. At siyempre hindi mawawala ang pagplano sa kung anong susunod na tourist destination ang pupuntahan namin. 

Alas singko pa lang ng umaga ay ginising na kami ni Nica. Hindi ko talaga alam kung paano niya nagawang labanan ang antok. Ang tagal pa naman naming natulog kagabi dahil natagalan kami sa pag-uusap ng mga bagay-bagay.

“Ano ba 'yan Nica ang aga pa!” pag-rereklamo ng reklamador kong kaibigan na walang iba kung hindii si Lee. 

“Oh shut up! You literally need an hour to change so don't tell me to not wake you up!” si Nica at nagpunta kay Belle para gisingin din ito. “Belle! Wake up!” tumalikod lang si Belle at nagtaklob ng kumot. 

Bumangon ako at nag-inat ng mga kamay. Nagpunta ako kay Lee at tinapik ng napakalas ang braso niyang matipuno.

“Aray!” 

Ang arte, mahina lang naman 'yon. 

Umupo siya sa kaniyang kama