Kabanata 78

Third Person POV

Tatlong araw na ang nakalipas simula noong paglusob nila Manuel at ng mga awtoridad sa kuta ni Alex. Lahat ng mga kababoyang gawain na naganap sa lugar na iyon ay isiniwalat sa publiko. Ang mga kilalang tao na naabutan sa silid ay hindi pinalampas ng batas at lahat ay mahahatulan. Ang mga biktimang natagpuan ay pinoprotektahan at hindi isinisawalat sa publiko ang kanilang pribadong buhay kagaya na lamang ng kanilang mga pangalan. Lalong lalo na ang babaeng asawa ng nag-iisang tagapagmana ng Villacura.

Sa kabila ng mainit at kontrobersyal na lathalaing lumalabas sa pahayagan at sa ibang plataporma ng social media ay ni isang impormasyon patungkol kay Violet ay hindi lumagpas sa bantay ni Manuel. He was very careful of his wife's privacy and dignity. Walang ibang nakaka-alam maliban na lamang sa mga taong tumulong sa raid na iyon. Ngunit sa kabila nito, ay sinisiguro ni Manuel na hindi siya magkukulang sa paghataw ng parusa sa mga taong nagpadusa at nanakit ng kaniyang