Chapter 32

Maxine's Point Of View

Simula umaga ay naghihintay ako ng message galing kay Lucian. Hindi kasi siya sumasagot sa mga messages ko at mukhang mas naging busy siya sa trabaho.

Katatapos ko lang kumain ng tanghalian at madalas na ganitong oras ay tumatawag sa akin si Lucian o kaya naman ay nagpapadala ng text.

Napansin ko na dumaan si Cloud sa harap ko kaya agad akong tumayo at tinawag siya. "Cloud!"

Nagtataka siyang tumingin sa akin, naghihintay kung anong sasabihin ko.

"Nakausap mo na ba si Lucian?" tanong ko sa kanya.

Umiling siya. "Kaninang umaga sa bahay ko pa siya huling nakausap. Bakit?"

Napaupo na lang ako sa office chair ko. Simula kahapon noong iwan niya 'ko ay hindi na ulit siya nagparamdam.

Lumapit si Cloud sa akin. Wala sa sariling itinuloy ko ang trabaho ko kahit na halos nakahiga na ako sa office chair ko dahil sa pagkasiphayo.

"Nakalimutan lang noon mag-update. Baka puro meeting ang schedule," usap ni Cloud sa akin at umalis na.

Huwag lang talaga siyang hahanap