Chapter 28.1

“May relasyon kayo ni ate Lina noon Fidel?” mahinahon ngunit may diin ang boses ni Mommy. Hinintay kong sumagot si daddy ngunit tila ay wala rin siyang nasagot kay Mommy.

“Answer me, Fidel!”

“I didn’t know na nagbunga ang-“ narinig ko ang malakas na singhap ni mommy. Si ate Dainne naman ngayon ay kinaladkad ng asawa ko papasok sa bahay ng Villaranza habang kasunod nila si Carlo. Tulala ako sa mga nangyayari.

Natagpuan ko nalang ang sarili ko na tumatakbo papalayo sa kanila. Hindi ko na namalayan na nasa harapan ko na si Oliver at yakap-yakap ako.

“Come with me,” basta nalang ako sumama sa kaniya at pumasok kami sa loob ng sasakyan. Hinayaan niya akong umiiyak nang umiiyak hanggang sa tumahan ako.

Tahimik lang si Oliver sa sasakyan habang binabaybay namin ang daan patungong timog. “Saan tayo pupunta?” tanong ko nang mapansin ko na puro na dagat ang nakikita ko sa labas.

“Sa bahay namin sa Salay. Iuuwi rin kita sa inyo. Pasensya ka na kung dinala kita dito..” Hindi na ako sumagot.