Chapter 62

Chapter Sixty-two

MAKE UP my room ang nakasabit sa pintuan ng suite 10-01. Makailang beses niyang nilagpasan ang silid na iyon at bakasakaling magbago ang sign. Ayaw niyang may makitang butas ang kahit na sino sa trabaho niya. Bago lamang si Maris sa hotel at ayaw sana niya ng problema. Ngunit alam naman niya sa sarili na namomroblema siya. Si River ang may-ari ng hotel, ang presidenteng kinatatakutan at ngayon ay nagpapalinis ng silid nito. Naipangako niya sa sarili na hindi siya magpapaapekto sa presensya ng binata. She'll do her job. Nothing less, nothing more.

Huminga muna siya ng malalim saka pinihit ang seradura ng pinto pagkatapos niyang kumatok ng tatlong beses. Inaasahan na niyang makakakita siya ng karumihan sa gabing iyon pero hindi ganito kadumi at kabastos. Noon ay may kapilyahan silang dalawa ni Vookie at sumisimpleng magbasa at manood ng mga bawal. Subalit nang mangyari ang gabi ng kanyang ikalabing-walong taong kaarawan, ipinagbawal na niya sa sarili ang mga ganoong kl