Chapter 45 His Secret Wife

Angeline pov:

PANAY ANG buga ko ng hangin para ibsan ang kabang nadarama ko habang dahan-dahang naglalakad sa red carpet na napupuno ng petals ng mga roses na iba-iba ang kulay. Nakakapit ako sa braso ni tatay na sinasabayan ang marahan kong paghakbang.

Suot ang wedding gown na napili ko. Off shoulder style na hakab sa kurbada ng pangangatawan ko. Napupuno ng maliliit na batong crystal ang disenyo mula baywang pataas sa dibdib ko. Malalim din ang v-line na ikinalantad ng malusog kong dibdib na mas bumilog pa ngayon dahil sa gatas ko. Simple lang ang tema ng kasal naming pinili ko. Mula sa decorations sa paligid, at mga gown namin ng mga abay ko. Mabuti na lang at nakadalo si Danica na siyang naging maid of honor ko habang si Brenda naman ang kinuha kong best man kaya naman bruskong-brusko ang bruha kong kaibigang natutulala na naman kay Primo na katabi nito sa harapan haist.

Hindi ko mapigilan ang pagtulo ng luha habang nakamata kay Primo na nasa harapan. Tayong-tayo na parang modelo