Chapter 30

Louise POV

Panay ang tawag ko sa aking kapatid ngunit hindi man lang nito sinasagot ang aking tawag. Nag-send lamang ito ng text na ma-la-late sila at mauna na lamang ako sa kanila sa Claro Hotel kung saan mayroon kaming reservation para kumain doon.

Nang makapasok ako sa restaurant sa loob ay agad na lumapit sa akin ang isang waiter sa gilid.

“Good evening, Ma’am, reservation po for Ms. Kate Colleen Del Monte?” tanong nito sa akin. Agad akong tumango kaya inilahad niya ang kan’yang kamay upang tuluyan akong makapasok sa loob.

“This way po, Ma’am.”

Sinilip ko ang aking cellphone baka sakaling mag-text ulit ang aking kapatid ngunit nabigo lamang ako. Napasimangot ako dahil doon. Nasaan na kaya ang bruhildang iyon? Ang ayaw ko pa naman ay nahuhuli siya sa usapan. Huwag niyang sabihing i-indyanin niya ako, sabunutan ko talaga siya kapag nagkita kami.

Huminto ang waiter sa isang table na puno ng pagkain, sa gitna noon ay may dalawang scented candles at napapalibutan ng petal of rose