Chapter 60

Dahlia’s POV

“Dahlia,” tawag ni John sa akin. Napalingon ako sa kaniya at seryosong nakatingin sa akin. Umalis na si Ethan para pumunta sa grocery store para bumili ng makakain namin. Mabuti na lamang at may ipon pa ako sa bangko ito ang pinanggagastos ko rito sa hospital. Sana nga lang ay ngayon na ako ma-discharge dahil gastos na naman kapag namalagi pa kami rito ng isang araw.

“Huwag ka sanang mabibigla ngunit alam ko ang tunay mong pagkatao, pinapahanap ka ng ina mo ilang taon na ang nakararaan,” seryoso niyang saad sa akin na ikinagulat ko.

“P-paano mo nalaman?” tanong ko sa kaniya.

“Para sa kaalaman mo, isa ako sa mga investors ng Monte Cristo Inc. na pinamumunuan ng asawa mo. Kaya nga ako napa-invest doon dahil asawa ka niya. Mas mababantayan kita kapag mapapalapit ako sa Monte Cristo. Nasa kolehiyo ka pa lang minamatyagan na kita,” saad ni John sa akin.

“A-ano? Seryoso? Napaka-creepy mo naman!” sigaw ko sa kaniya at kaagad akong kinila