Chapter 78

Nasa harapan kami ng hapagkainan at kumakain kasama ang mga pinsan ko at ni Prinsesa Isabella. Narito rin si Prinsipe Tristan at John. Kanina lamang ay kinatok ako ni Mary para sabihing handa na ang pagkain, gusto ko sanang ihatid na lamang ang pagkain sa akin kwarto ngunit hindi pumayag si Prinsesa Isabella, dapat daw ay sabayan ko silang kumain para naman makilala ko ng lubusan ang mga pinsan namin. Hindi naman ako nag-atubiling um-oo dahil gusto ko ring maging ka-close ang iba kong pamilya.

“Kumusta ang tulog mo. Princess Sofia? Nakatulog ka ba ng mahimbing?” tanong ng isa sa mga pinsan ko, rinig ko na ang pangalan niya ay Margarette.

“Malamang maganda ang tulog niya dahil sa malambot na kama na hinihigaan niya, I doubt walang ganito sa dating pamumuhay niya,” panunuya ng isa pa. Napangiwi ako sa kanilang sinabi.

“M-Mabuti naman ang tulog ko, medyo hindi ako mapakali dahil hindi pa ako sanay, baka na-ho-home sick lamang ako,&rdqu