Kabanata LI

“Tama ba 'tong mga naririnig ko Tay?” Tanong ko.

Alas kwatro pa lang ng umaga pero nandito na kaming dalawa ni Tatay sa kusina, naghahanda ng mga pagkain dahil alas sais raw ang pasok ng mga bata sa paaralan at ala-una ang uwi. Nagdesisyon akong ako na ang maghahatid-sundo sa kanilang dalawa kahit na may sarili silang driver. Napag-alaman ko rin na si Tyler ang nag susustento sa kanila mula ng umalis ako.

“Si Tyler ang nag-alok sa akin ng trabaho sa opisina niya. Noong una ay nahihiya pa ako, ayoko nga sanang tanggapin dahil kundi dahil sa akin ay 'di kayo lalayo pero pinilit niya ako. Pina-rehab muna bago ipinasok,” ani niya.

Ayon kay tatay, binibigyan pa nga raw siya ng magandang posisyon ni Tyler pero mas pinili niyang sa mas mababang puwesto na lamang dahil wala naman daw siyang kaalaman mula roon at ayaw niyang maging unfair para sa ibang taong nag tatrabaho roon. Sa ngayon ay malinaw sa aking kahit na walang kasiguraduhan ang pagbabalik ko ay inalagaan niya ang mga mahal ko sa