Chapter 30

"Hello Michelle, napatawag ka?" tanong ko habang sinusuot ang sapatos ko.

(Hello Vienna, gusto ko lang itanong kung manunuod ka nang game ni kuya Vince? Sa tingin ko maya-maya magsisimula na) Muntikan ko pang makalimutan, ngayon na pala ang laro nina kuya. Manunuod naman ako pero may kailangan pa akong puntahan.

"Oo manunuod ako, pero pupunta muna ako sa ospital. Pakisabi na lang kay kuya at Tine na susunod ako."

(Ahh sige Vienna, hintayin ka na lang namin dito)

"Sige Michelle, text mo na lang ako kung nasaan kayo."

(Okay Vienna, mag-iingat ka)

Napabuntong hininga naman ako agad, buti na lang wala siyang alam sa nangyari kahapon. Hindi nakarating sa kanilang dalawa na may hinalikang babae si Sebastian. Kasi kapag nalaman nila, tiyak lagot ako at babatuhin nila ako ng madaming tanong na malabo ko namang sagutin. Kagabi, hindi ako makatulog sa kakaisip ng mga n