Huli, pero di kulong...

Mga sumasayaw na bata ang naabutan namin, simula na pala ng parade. Medyo nanghihinayang dahil hindi ko nasimulan pero nagpapasalamat pa rin dahil walang masyadong problema sa braso ni Craig.

“Oh, mga apo andito na pala kayo. Kumusta ang pagpapa-check up?” Salubong ni lola sa amin bitbit ang isang bilao ng puto na ilalagay sa lamesang naka-display sa labas ng bahay, free kumuha ang lahat kung nagugutom.

“Ayos naman ho, hindi ko lang magagamit ng ilang araw itong kamay ko.” Napakamot ng batok si Craig, “mabuti nalang at tapos na ang trabaho, siguro ay magbayad nalang tayo pag kailangan na ng mag-aalis ng mga nilagay natin.”

Tumango naman ang lola nya at pinaupo kami, “oh sige, mag meryenda muna kayo.” Tinawag rin niya ang driver ng tricykle na sinakyan namin at binigyan ng pagkain. “Nga pala, nakalimutan mo iha dalhin ang cellphone mo, kanina pa tunog ng tunog.”

Saglit akong napahinto sa pagkuha ng pagkain pero agad rin naman akong ngumiti, “ganoon po ba? Baka sila mama po iyon, hindi