Chapter 97

"Saan kaya siya pupunta?" tanong niya kay Elmer habang pinapanood nila ang motor ni Camilla, "ang mahal ng motor na yan, paano niya naafford?"

"Alam mo par, medyo malihim si Camilla pagdating sa mga personal na buhay. Kapag hinahatid ko siya noon, lagi lang sioyang sa isang mall nagpapababa, ni hindi ko makita kung saan siya umuuwi." sagot ni Elmer.

"Ibig mong sabihin, hindi mo pa naiihatid sa bahay nila si Camilla?"

"Naku, hindi pa.. ayaw niya nga. Sabi ko nga ihahatid ko, sabi niya, squatter daw yung lugar niya, nakakahiya daw."

"Hindi naman mukhang laking squatter si Camilla. Napapansin kong branded ang mga gamit niya."

"Sabi niya, mga replika lang daw yung gamit niya."

"Imposible yun, kilala mo ako pagdating sa magagandang klase ng gamit, alam ko ang mamahalin at ang hindi."

"So, posibleng, mayaman siya?" tanong ni Elmer sa kanya.

"Oo, kaya may posibilidad din, na itinatago niya si Jillian, at siya ang nag sponsor para sa abogado."

Tumigil ang motor ng babae sa isang conv