KABANATA 30 — FAKE BOYFRIEND

SPENCER

Araw ng sabado ngayon pero maaga akong pumunta sa PSU. Natapos na kasi ang semester kahapon at suppose to be kahapon kami magtatanim ng isang punong kahoy malapit sa meditation area, bilang parte ng clearance. Pero kasi kahapon isinagawa ang interview kaya hindi kami nakapagtanim ng mga kaibigan ko. Tinawagan ko na sina Larah at Raffy at papunta na sila. Actually 9AM ang usapan namin pero pumunta ako ng 7AM kasi gusto ko munang tumambay sa upuan sa may meditation area na tinambayan ko no'ng nakaraang araw, ang sarap kasing pumunta doon at mag-unwind.

Habang humahakbang ako papalapit sa upuan ay may napansin akong nakaupo roon! Akala ko ay si Peter—ang estudyanteng nakilala ko na madalas na pumupunta rito kaya nagpatuloy lamang ako sa paghakbang. Ngunit nang malapit na ako at malinaw ko ng nakikita kung sinong nakaupo ay natigilan ako bigla. Hindi si Peter ang naroon. Isang lalaki na medyo may edad na