KABANATA 29.2 — REVELATION

Nagmamadaling binaybay ni Aaron ang daan patungo sa Chen Publishing upang harapin ang ama. Malakas ang pakiramdam niyang ito ang dahilan sa likod ng paghihiwalay nila ng nobyong si Spencer, kaya pupuntahan niya ito upang ipaglaban ang minamahal. Nagawa na niya noong suwayin ang kagustuhan ng ama at gagawin niya ang lahat ng paraan ngayon upang hindi na sila tutulan pa nito.

Habang nagmamaneho ay iniisip nito kung anong gagawin niya kung maghaharap na sila ng kaniyang ama. Sa totoo lang wala pa siyang plano kung ano ang dapat niyang gawin. Alam niyang isa itong padalos-dalos na desisyon ngunit wala na siyang dapat na sayanging oras.

Sandali pa'y biglang tumunog ang kaniyang telepono. Kinuha niya ito at sinagot ang tawag. 

"Aaron, ipapaalala ko lang sayo ang pagkikita natin mamayang gabi—"

"Papunta na 'ko sa kumpanya!" pagputol ni