KABANATA 35.1 — SETUP

SPENCER

“To all enrollees, please proceed to registrar's waiting area. Again, to all enrollees, please proceed to registrar's waiting area. Thank you!” Anunsyo ng registrar officer namin.

Malapit na ang pasukan namin sa ikalawang semester ng taon, kaya abala kaming lahat na mga estudyante ng PSU sa enrollment ngayong araw. Subalit, bukod sa pagpapa-enroll, isa sa pakay ko sa pagpunta ngayong araw ay ang plano kong pakikipag-ayos sa dalawa kong kaibigan. Sa katunayan kanina ko pa sila inaabangan.

Nakaupo ako ngayon mag-isa sa bench malapit sa registrar, pinapraktis ko ang sasabihin sa dalawa, kung makaharap ko na sila. Hindi naman siguro sila galit sa akin, ako lang naman kasi 'yung hindi sumasagot sa mga chat, text, at tawag nila. Alam kong nag-aalala na sila sa akin at gusto nilang humingi ng paumanhin. Ewan ko rin ba kasi sa sarili ko, naging over 'yung reaksyon ko nang malamang nakipagkasundo sila kay Aaron. Sa totoo lang sobra akong nagi-guilt