Chapter 14

Erica

Huminto kami ni Pearl sa isang liblib na lugar kung saan napapalibutan ito ng mga punong kahoy. Ngunit hindi ko inaasahan na maraming tao rin pala ang nandidito ngayon na animo'y isa itong amusement park.

Pagbaba namin mula sa sasakyan, mabilis at walang sabi na hinawakan ako ni Pearl sa aking braso at iginaya na papasok sa gate. Pagdating sa loob, hindi ko maitago ang malawak na ngiti na gumuhit sa aking labi habang iginagala ang aking paningin sa paligid. Kumikinang pa ang mga mata na ibinalik ko ang aking mga paningin kay Pearl na ngayon ay abala rin sa pagtingin sa paligid.

Ang ganda ng mga mata niya na naniningkit at kumikinang pa kasabay sa pagkislap ng mga ilaw sa paligid.

Ang daming mga kabataan, magkasintahan at buong pamilya ang nandidito ngayon, may mga food cart na nagkalat din paligid. Naglakad pa kami sa may unahan kung saan noon ko lamang napansin na n