Chapter 34: Finding Sophia

NALIBOT na nila ang pweding puntahan ni Sophia pero wala pa rin silang makita. Sobrang nag-aalala na ang dalawa sa kaniya dahil gabi na pero hindi pa rin nila ito mahanap. Habang si Sophia naman ay umiiyak na't nawawalan na ng pag-asang makakalabas pa siya. Nanghihina na rin siya dahil sa mga sugat na natamo niya at kulob ang lugar kaya't mahirap makapasok ang sariwang hangin.

Sa mansyon naman ay hindi na magkaundagaga ang mga kasambahay dahil wala pa rin si Sophia sa mansyon. Kaya't naisip nilang tawagan si Nanna baka sakaling nasa sa kanila ito tumuloy o kaya ay may ginagawa lang sila sa school.

Hindi naman tumagal ang pagring dahil sinagot agad iyon ni Nanna.

"Hello po, Manang." Bungad agad ni Nanna sa matanda.

"Hello Ineng, kasama mo ba si Sophia? Wala pa kasi siya dito sa mansyon, hindi pa umuuwi." Halata sa matanda na nag-aalala na ito. Natakot bigla si Ethan at Nanna sa sinabi ng matanda. Kung wala pa ito sa kanila at hindi pa ito umuuwi, saan ito nagpunta?

"Yun nga po