11. ALAM NA NI JOHN!

Oras ng pagpasok sa opisina at ang posisyong kinuha ko kay John ay magsisimula na sa araw na ito.

Kaya naman habang nagmamaneho ako patungong opisina ng araw na iyon ay nakatanggap ako ng isang kakaibang tawag sa aking cellphone. "Hello who's this?"

Isang malakas na tawa muna ang pinawalan nito bago tuluyang sumagot,"kamusta ka na? Masaya ka bang nakuha mo ang posisyong gusto mo? But! I assured you na hindi ka magtatagal sa posisyong iyan!"

"Sandali nga--" ngunit hindi ko naituloy pa ang mga sasabihin ko dahil mabilis na ibinaba nito ang linya. Naiinis akong naipreno ang sasakyang minamaneho ko. Napukpok ko ang manibela dahil sa naiinis ako sa mga narinig ko. Sino ang babaeng iyon na tumawag pa sa akin. Ginulat naman ako ng tatlong malalakas na katok sa bintana ng kotseng sinasakyan ko. Napatingin ako sa gawing iyon at binuksan ang salamin niyon. Tumambad sa akin si Bong, baghagya akong nagulat sa sumungaw na mukha nito.

"Hoy, ano ka ba? Kanina pa ako kumakatok bakit ang tagal mong mag