24- ANG PABABALIK NG TUNAY NA OLIVIA

KABANATA 24- ANG PABABALIK NG TUNAY NA OLIVIA

Naglakas loob pa rin akong pumasok sa opisina kahit na alam kong maari akong mapahamak sa lugar na iyon. Isa pa ay umaasa akong makikita at makakausap ko si Bong ng araw na iyon, nais ko siyang makausap, nais kong maging malinaw sa amin ang lahat, at nais kong malaman niya ang kalagayan ko, nais kong malaman niya na malapit na akong mabuko at tiyak kong hindi magiging maganda ang magiging resulta nito sa akin, at sa buong kumpanya ni Olivia, alam kong gagamitin rin nila iyon upang mabawi ang kumpanya sa pangalan ni Olivia.

Kinakabahan man ay nilakasan ko pa rin ang loob ko, alam kong kinakailangan kong gawin iyon, kailangan ko pa ring ipagpatuloy ang pagpapanggap ko upang kahit na paano ay magawa ko ang iba ko pang mga ninanais na gawin.

Bago pa man ako tuluyang pumasok sa opisina ay nagawa ko nang ipadala sa lawyer na kausap ko na siyang nag-iimbistiga sa kaso ng mag-asawang Alcantara. Habang naglalakad ako bandang alas-onse ng tanghali p