ALA-ALA

Tahimik na nakatayo sa harap ng pinto ng paraiso ang dalawang babae na kasalukuyang naghihintay sa paglabas ng nilalang. Ang natatandaan ni Jessa ay sakay sila ni Eckiever ng kabayo pagkatapos siyang iligtas ng binata sa gumuguhong lupa. Kasunod noon ay ang pagdausdos ng katawan niya sa malalim at malamig na tubig ng Ilog na sumalo sa kanila ng mahulog sila sa bangin.

Nag-dilim ang kanyang paningin pagkatapos nun at ng muli niyang idilat ang mga mata, nandoon na siya sa harap ng pintuan katabi si Estacie na walang imik.

"May nangyari ba sa modernong mundo?" Hindi nakatiis na tanong ni Jessa sa dalaga.

Isang tango ang naging sagot ni Estacie. "Nalaglag ako sa hagdan."

"Nalaglag?"

"I mean, tinulak ako ng kanyang nobya." Kuyom ang kamao na tugon ni Estacie. "Hindi namin matandaan ang ibang bagay, lalo na ako. Ang tanging naalala ko sa mundo mo ay ang naging buhay mo."

Isang malalim na buntong hininga ang pinakawalan ni Jessa. "Parehas tayo. Tanging ang memorya ng katawan mo sa Pre