Chapter 36

Kahit anong gawin pag-alala ni Mayor Morena ay walang matandaan sa gabing nangyari ang sinasabing kasalan sa isang club. Marahil nalaseng na rin siya tulad ng kaniyang assistant nang gabing 'yun.

"Kahit anong gawin ko pag-alala ay wala ako matandaan na kasal," wika ni Mayor Morena.

"Please, subukan niyo pa po alalahanin dahil kayo lamang ang pag-asa namin upang mapawalang bisa ang nasabing kasal," pakiusap ni Farrah na nakaupo katabi si Damon.

Habang si Damon naman ay walang kibo at nakikirandam lamang. Wala siyang maisip na sabihin o suhestiyon.

"Mawalang galang po. Ang ninanais niyo ay maaaring makasama sa magandang katayuan ni mayor. Mapapasama ang tingin ng mga kababayan natin kung sakali," singit na wika ng katiwala ng dating mayor.

Akala nila ay umalis na ang katiwala kaninang maghatid ito ng meryenda sa kanila. 'Di nila inasahang nakikinig pala siya sa usapan at marahil tama ang kaniyang sinabi.

"Wala po ba tayong ibang m