Chapter 41

Tinawag ni Mayor Morena ang kaniyang katiwala at pinakuha ang mga dokumento kailangan nila Damon at Farrah.

“Natapos na ang mga dokumento, ngunit ngayong natagpuan na natin si Alfonso ay mapagtitibay pa lalo ang mga nakasulat d’yan,” wika ni Mayor Morena at iniabot ang mga dokumentong nasa envelope kay Farrah.

Masayang-masaya si Farrah na tinanggap ang mga dokumento at napatingin ito sa mukha ni Damon na walang ekspresyon.

“Nakakahiya naman sa inyo. Ang totoo niyan ay ako ang may kasalanan dahil trabaho ko ang pag-asikaso ng mga papeles para kay mayor noon. Kaya pasensya na kayo,” nahihiyang paumanhin ni Alfonso.

“Ayos na po ‘yon Mang Alfonso, ngayon ay malalagay na sa tama ang lahat,” wika ni Farrah.

Habang si Damon naman ay hindi pa rin kumikibo.

“Kung ganoon ay dalhin niyo na ang mga dokumentong ‘yan at bukas naman, ipapasunod ko na lang ang statement ni Alfonso,” wika ni Mayor Morena.

“Paano nga po pala ang pr