Chapter 52

Hanz Point of view

“Ang laking abala nito sa akin, bakit hindi na lang ikansela ang meeting na ito kung hindi pala nila kayang gampanan?” Naiinis na sabi ng isa sa mga board member, halata na sa mukha nito ang labis na pagkainip. Maging ang ibang naririto sa loob ng conference room ay hindi na maipinta ang kanilang mga mukha. It’s almost forty five minutes na kaming naghihintay ngunit hanggang ngayon ay hindi pa rin dumarating si Mr. Hilton.

“On behalf of Mr. Hilton I apologize for the inconvenience, in the meantime his daughter Ms. Summer is currently replacing her father’s position.” Hinging paumanhin ng secretary ni Mr. Hilton. Pagkatapos sabihin iyon ay lumabas muna ito ng conference room.

“Iho, bakit hindi mo isinabay ang asawa mo papunta rito? gayong dito rin naman pala ang destinasyon n’ya?” Nagtataka na tanong sa akin ng aking ina.

“I’m sorry, Mom, pero ilang araw ng hindi nagpapakita sa akin ang asawa ko, hindi ko naman alam kung saan siya hahanapin.” Seryoso kong sagot.