I'm inlove with a PRIEST

I'M IN LOVE WITH A PRIEST

[General Fiction/Romance]

[CHAPTER 12 - PART 1 of 2]

“Bakit si Thirdy pa ang namatay? Sana si Sam na lang.” Narinig kong turan ng isang babaeng nakikiramay, ikalawang gabi na ng burol ni Samuel ng mga sandaling iyon.

Napag-alaman kong mas kilala pala siya bilang si ‘Thirdy’ sa kanilang probinsiya since may the third sa pangalan niya.

“Kaya nga. Minsan talaga kung sino pa ‘yong mabait, siya pa ‘yong namamatay agad at kung sino pa ‘yong salbahe ay siya pang nabubuhay ng matagal.” Sang-ayon ng isa pang babae.

“Uy, grabe kayo kay Sam.”

“Bakit? Totoo naman, ah.” Giit ng babaeng naunang nagsalita. “Siguro kung si Sam ang namatay ay walang makikiramay kahit isa dahil sa sobrang arogante niya.”

“Exactly. Ni ako, hindi ako makikipaglibing.” Muling sang-ayon ng ikalawang babae. “Baka magdiwang pa nga ang lahat, eh.”

“Kunsabagay, salbahe nga talaga si Sam.” Turan nang ikatlong babae, napa-buntong hininga pa ito. “Tingnan mo nga, namatay ‘yong kapatid niya pero hindi man