Chapter 48: Girlfriend

Nagtataka si Carmela kung bakit nakabusangot si Joseph sa harapan niya. Masama ang tingin nito kay Darwin na akala mo mananapak.

Si Darwin naman ay napapangisi sa inaasta ng kanyang kaibigan. Alam naman niya na inis si Joseph sa kanya lalo na't nakisabay siya sa pagkain ng dalawa.

Napanguso siya ng sabay nilang nabuksan ni Carmela ang favorite nilang cupcake. Napakunot naman si Joseph sa inis na naman.

"Wow! Ibang klase talaga ang true love kahit sa cupcake parehas pa." asar na sabi ni Joseph.

Inagaw niya ang cupcake na hawak ni Carmela at biglang nilamon ng isang buo.

Natatawa naman si Darwin sa kanya.

Halos maubo si Joseph sa ginawa niya! Hindi niya alam na medyo kumakapit pala ang cupcake na 'yon sa ngala-ngala. Nakasimangot naman si Carmela na nakatingin sa kanya.

"Palitan mo 'yong cupcake ko!" galit na sabi ni Carmela. Naiinis siya sa inaasta ni Joseph!

Napaka-isip bata.

"Ayaw ko nga! Bakit ba pa