Chapter 60: Past

Napahikbi si Bernadette habang inaayos ang kanyang mga gamit. Nakatingin lamang sa kanya si Martin ng walang makikitaan na kahit anong emosyon.

Galit na tumingin si Bernadette kay Martin. Hindi niya matanggap na sa inosenteng mukha ni Martin ay nagawa siya nitong tratuhin bilang basura.

"Asshole!" sigaw ni Bernadette habang pumapatak ang luha niya. Umalis na ang babaeng kasiping ni Martin kanina at nagulat siya na isa pala itong kilala na modelo sa Amerika.

"Matagal na. Sadyang bulag ka lang. Una pa lang ayaw ko na sa'yo." anya ni Martin na mas ikinasakit ng puso niya.

Bata pa lamang ay mahal niya na si Martin, kahit nagkaboyfriend siya dati ay si Martin pa rin ang gusto niya. Ginawa niya ang lahat para mapansin siya nito.

"Akala ko ba mahal mo ako?" mahinang tanong ni Bernadette halos sipunin na siya dahil sa pag-iyak.

"Hindi kita minahal, at hinding-hindi kita mamahalin. At sigurado ako na alam mo kung bakit? Ginamit la