Chapter 82: milk bottle

Hindi makapaniwala si Enrique sa sinabi ni Bernadette, hindi siya sanay sa ganoong set up. Oo, na-comfort nila ang isat isa ngunit hanggang ganoon lang pala 'yon.

"Ibig mong sabihin wala pa lang dahilan ang lahat ng 'yon? 'Yong ginawa natin sa kotse, sa pagmo-motel natin." seryosong sabi ni Enrique.

Hindi niya alam kung bakit mas nasasaktan siya ngayon kaysa ng malaman niya na nagkabalikan si Joseph at Carmela.

"Oo, ikaw na rin naman ang may sabi hindi ba? na kapag ayaw na natin ng ganoong set up ay mas magandang huwag na lang tayo magpakita sa isat isa." anya ni Bernadette, tumalikod ito upang itago ang pagbuo ng luha sa kanyang mga mata.

Napailing si Enrique sa sinabi ng babae sa kanya. Ganoon ba ito kawalang puso para hindi nito maramdaman na gusto niya ng seryosong relasyon.

"Bernadette, simula ng may mangyari sa atin sa kotse na 'yon, binigyan mo na rin ako ng karapatan sa buhay mo." gigil na sabi niya saka pilit pinaharap si Bernadette at nakita niya ang luha nito.

"Bakit ka um