Chapter 95: bathroom

Nagkaroon ng katahimikan at walang naglakas loob na magsalita kina Grasya at Darwin. Parehas pa silang umiwas ng tingin at tinatantya ang bawat isa.

Tumikhim si Grasya at pilit nilabanan ang kung ano man ang tumutubo sa kanyang dibdib. Ayaw na niyang sumugal, kung parehas pala nilang ayaw mag-asawa, mas maayos 'yon para parehas nilang matutukan ang anak nila.

Nakaramdam naman ng pamamanhid sa pisngi si Darwin. Hindi siya makapaniwala at hindi niya matanggap na nagmumukha siyang tanga sa mata ni Grasya.

"Hindi ka pa ba uuwi?" biglang tanong ni Grasya. Iniisip niya dahil gabi na ngunit mukhang iba ang nasa utak nito.

"Bakit may bisita ka ba na darating?" medyo yamot na sabi ni Darwin. Nakakunot pa ang noo nito. Bakit pakiramdam niya ay nagseselos na siya?

Pagkatapos humingi ng tulong si Grasya sa kanya, hinanap niya ito ngunit hindi niya nakita. Mabuti na lamang pala ay lumapit ito kay Carmela. At laking pasalamat niya sa pagiging chismoso ng kanyang kaibigan na si Joseph.

"Anong bisita