Chapter 97: So, single ka pala?

Napasigaw sa gulat si Bernadette ng maramdaman niya na may yumakap sa kanya. Kinurot niya ang kamay ng taong yumakap sa kanya. Nagulat siya ng si Enrique pala ang taong iyon. Namula ang kanyang mukha sa kahihiyan.

"I love you too Bernadette," malambing na sabi ni Enrique na akala mo ay nanalo sa lotto pagkatapos marinig ang sagot ni Bernadette kay Carmela.

Nakangiti naman si Carmela sa dalawa. Kinuha niya ang cellphone niya saka nag-text kay Joseph ng 'i love you'.

Hindi makapaniwala si Bernadette kaya pala nagtatanong ang kapatid niya dahil nakikinig pala si Enrique.

"Mamaya na kayo maglambingan, nagugutom na ako," biglang sabat ni Carmela sa kanilang dalawa ng magkatitigan silang dalawa.

"Salamat Carmela," biglang sabi ni Enrique. Nakangisi ito kay Carmela saka umakto na seryoso ng makita ang inis sa mata ni Bernadette.

"Hindi mo kailangan magpasalamat sa akin, gusto ko kasi sumaya rin si Bernadette," sabi ni Carmela saka nginitian ang kanyang kapatid. Umirap naman si Bernadette dahi