Ch. 45

Bumukas ang pinto kung saan naka confined si Atanasha at pumasok mula rito si Red. Kakabalik niya lamang mula sa presinto at agad siyang bumalik sa hospital tulad ng ipinangako niya kay Manang Fe. Naabutan niyang nag aayos ng bulaklak ang matanda.

"Narito ka na pala hijo, kamusta ang lakad mo?" Bungad na tanong ni Manang Fe.

Marahang isinarado ni Red ang pinto at nag tungo malapit sa kama ni Atanasha upang titigan ito, "Ayos naman po manang. Ang mga police na ho ang bahala, nagpapa update nalang ako ng mga susunod na gagawin nila." Sambit ni Red at naupo sa sofa.

Inunat niya ang kaniyang braso at nagsitunugan naman ang mga buto niya doon. Marahan siya napa ungol sa sarap ng pagkaka unat. Isinandal niya ang kaniyang ulo sa sofa at ipinikit ang mga mata.

"Kumain ka na ba?" Muling tanong ni Manang Fe.

Nanatiling nakapikit ang mga mata ni Red, "hindi pa po..." Mahinang usal nito.